КЪАХЫЛ СЛÆУУЫН КÆНЫН

тж. КЪАХЫЛ СЛÆУУЫН

1. Бирæ искæйты сæзмæлын кæнын, исты хъуыддаг сын аразын кæнын.

Поднять на ноги.

To alarm; to get up; to rouse.

Йæ фæсонæрхæджы дæр не 'рцæудзæн комендантæн... æнæхъæн хъæуы йæ къæхтыл кæй слæууын кодта, уыцы тырыса йæ нывæрзæн кæй ис, уый. (Джимиты Г. Сау мигъ.)

2. Рынчыны сдзæбæх кæнын; низæй фервæзын кæнын.

Поставить на ноги.

Put (set) smb. on his legs; bring smb. back to health.

Хъандойы хуыссæнгæрзты цъæрттæ ивынмæ фæцис, уæддæр дзы йæ цæстæнгас нал исы Хъандо, афтæмæй йæм æртхъирæн кодта: «Багъæц, сыл бирæгъ, мæ къахыл ма слæууон, стæй дæу мæрдтæм чи барвита, уый Хъандо!». (Гуыцмæзты М. Удисæг.)

3. Искæй йæ цардыл бафтауын, хорз цард ын саразын, материалон æххуыс ын бакæнын.

Поставить на ноги.

To set smb. on his feet.

Сæндидзын, цард экономикон æгъдауæй сфидар кæнын. Искуы рахъомыл уаиккой (сывæллæттæ) бæргæ. Кæд йæ къахыл слæууид лæг. (Букуылты А. Зарæг баззад цæргæйæ.)

Мыдыбындзытæ дарыны хъуыддаг нæм сомбон срæвдз уыдзæн æнæмæнгæй, нæ адæм сæ къахыл куы слæууой, 1920 азы æбуалгъы сæфтæй уæд. (Гаглойты Р. Цæлхвæндаг Хуссарæй Цæгат Ирыстоны 'хсæн.)